கத்தரி மேல் காதல் கொண்டேன்
கத்தரியில் தான்
எத்தனை வகைகள்
ஊதா நிறத்தில் ஒன்று கரு
நீல நிறத்தில் ஒன்று
பச்சை நிறத்தில் ஒன்று
நாமம் போட்டெதென வெள்ளைக் கோடுகள் கொண்ட ஒன்று
முள் கொண்ட பாவாடையுடன் ஒன்று
முட்டை போல் ஒன்று
ஒல்லியாய் ஒன்று
குண்டாய் ஒன்று
இன்னும் உண்டு பல வகைகள்
விரல்கள் எந்தன் போதாது
எண்ணிட அவை
கத்தரிக் காய் காதலன் நான்
இத்தரையில் இல்லை அதற் கீடு என்பேன்
சுவையான காய் ஒன்று சொல் என்றால்
அவை யடக்கம் ஏது மின்றியே
கத்தரிக் காயெனக் கத்துவேன்
வகை வகையாய்ச் செய்திடலாம்
வாய்க்கு ருசியாய் கத்தரிக் காயதை
உருளையொடு வெங்காயம் சேர்த்து
மொறு மொறுவென வதக்கிய கரி
கிராம்புடன் லவங்கப் பட்டை ஏலமெனக் கூட்டி
ரச வாங்கியெனும் குழம் பொன்று
நாவில் ரசம் ஊறிடச் செய்யுமது
சிறு துண்டுகளாக்கிக் கத்தரிக் காயை
வெங்காயத்தொடு சேர்த்து செய்திடும் கூட்டொன்று
பெயர் அதற்கே கொத்ஸ் ஸென்று
உண்டிட அதைத் தோசையுடன் எண்ணத்தில்
இராது உண்ட தோசைதன் எண்ணிக்கை
குண்டாய் சுறைப் பிஞ்சளவில் ஒரு கத்தரி
துண்டாய் ஆக்கிடாது முழுசாய்
வாட்டிடல் வேண்டு மதை நெருப்பிலே
உளுத்தம் பருப்பு கடலைப் பருப்புடனே
வத்த மிள்காய் ஒன்றும் சேர்த்து
எண்ணையில் வறுத் தெடுத்து
நெருப்பில் சுட்ட கத்தரியொடு செர்த்துப் பிசைந்தே
உண்டிட அமிர்தமாகு மது
உண்டிடலா மதை
அன்னமொடு சேர்த்தோ
அன்றித் தயிருடன் சேர்த்தோ
நிலக் கடலை பருப்பு சேர்தே
செய்திடுவார் கூட்டொன்று
நிலவினிலே சஞ்சரிப்பேன் உண்டிட அதை
கத்தரிப் பிரேமி நான்
வேண்டுமா கத்தரியில்
வட இந்தியா வகைகள்
இருக்கிறதே பைங்கன் பர்த்தாவும்
பகரா பைங்கனும்
எப்படி உண்டாலும் கத்தரிக் காயதை
உள்ளம் குளிர்வேன்
கத்தரிக் காய் காதலன் நான்
நான் மட்டுந் தானா கத்தரிக் காய் காதலன்
இத்தரையில் உள்ளார்
எத்தனையோ பேர் என் போல்
தமிழுலகு புகழ் அவ்வையும்
அன்றோ ஓர் கத்தரிப் பிரேமி
அன்றே பாடினாள் அவள்
வழுதுணங்காயின் (கத்தரியின்)
மகிமை தனை
ஒளவைக்கு அளித்திட்டான் விருந்து
ஆயிரம் ஆண்டுகள் முன்பு
ஏழை விவசாயி
வழுதுணங்காய் பொரியல் செய்தே
விருந்துண்ட ஒளவை பாடினாள்
அன் றதன் புகழை
வரகரிசிச் சோறும் வழுதுணங்காய் வாட்டும் சற்றே
முறமுறெனப் புளித்த மோரும்-தரமுடனே
புல்வேளூர்ப் பூதன் பரிந்தளித்த உணவு
எல்லா உலகும் பெறும் என்று
ANBUDAN
<>KSR<>
No comments:
Post a Comment